De Hoofdprijs


Jos Wolkotte, Marcel Harmsen en Jord Morsink hebben de hoofdprijs van de grote Tombola, tijdens de Night of the Spatz gewonnen. Hieronder een verslag geschreven door een van die gelukkigen.

De masselkeerlkes

NEN OAMD BOAV'N DE MISSIETEENT

Vrijdag, in het weekend van de keermis 2000 was het dan zover. Wie, de prieswinnaars van nen lotterij van de Spatzen, kon'n dan eindeluk van oonze gewonn'n pries goan geniet'n. Wie wisten eigenluk a helemoal nich mer wa'w precies wonn'n had'n, het was a zo lang led'n. Op het lot ston ne parachutte-sprong, mer om veur oons nog steeds onduudelijke reed'n werd dit ne roondvlucht boav'n Doarp. Ok geweldig natuurl'k. Vanof het vleegveld Twente steeg'n wie met zo'n 1-motorig rammelkiske op. Met zien veer'n in zo'n kiske, het gung net. De raam'n besleug'n meteen, gelukkig da'w genog tukdook'n bie oons hadd'n. Wie vleug'n linearecta noar'n Doarp. Boaskoolstad leet'n wie links ligg'n, doar ha'w niks te zeuk'n. Eenmoal boav'n Doarp vul de Missieteent a meteen op. De bier en karbonadelucht kwam oons a van wiet'n tegemoot. De kearls van Wiefferink en c.s. leup'n zich ne gat oet ne haak'n. De leu in en roond de teent kwaam'n niks te kort. Wie hebt a wa zeen dat ok dit joar de Poaters weer genog school'n kunt bouw'n doar in 't verre zuud'n. Zo zee'j de Missieteent ok is van de andere kaant. Ok van de boav'n kaant is duudeluk te zeen dat dit de ideale plek is veur disse (horeca)teent. A'j zo boav'n Doarp vleegt zee'j nog heel wat wa'j normaal nig weet. D'r bint nog heel wat leu wel ne zwembad achter 't hoes hebt, wat wie leu nooit weet'n hebt. Spatzen bedankt veur disse geweldige ervaring. Met oons leev'n Heer bint wie denkt wie de enigen wel de Missieteent van de boav'nkaant zeen hebt. Namens de Prieswinaars.

Jos Wolkotte